Qeveria skoceze njoftoi sot se do të ndalojë rihapjen në pjesën më të madhe të Skocisë përballë përhapjes së variantit Delta (varianti indian), duke rritur presionin ndaj kryeministrit të Britanisë së Madhe, Boris Johnson, për të bërë të njëjtën gjë në Angli.
“Ne jemi aktualisht në një pikë delikate dhe të brishtë në luftën kundër virusit”, deklaroi kryeministrja Nicola Sturgeon, ndërsa njoftoi mbajtjen e nivelit dy të gatishmërisë (takime të kufizuara në gjashtë persona brenda, diskoteka të mbyllura) në shumë rajone skoceze, përfshirë kryeqyteti Edimburg.
“Ky vendim i vështirë dhe i ndërlikuar u mor përpara mbërritjes së variantit Delta, që përhapet më shpejt se variantet e mëparshme”, shtoi ajo.
