Kryeministri i Kosovës, Albin Kurti ka pritur në zyrën e tij Muharrem Zymberin, babain e heroit Enver Zymberi, me të cilin tha se ka qenë për një vit bashkë në burgun e Pozharevcit.
“Me 26 korrik sivjet bëhen 10 vjet nga rënia e heroit Enver Zymberi. Në zyrën time prita Muharrem Zymberin, babain e tij, me të cilin kemi qenë për një vit bashkë në burgun e Pozharevcit. Baca Rremë erdhi të më vizitonte me vajzën Shyhrete Zymberi-Brahimi dhe djalin Çlirimin, i cili i shërben vendit si pjesëtar i Policisë së Kosovës”, ka shkruar Kurti.
Kurti ka theksuar se sakrifica e Enverit nuk do të harrohet kurrë.
