Në fillim të javës freskët, me shi e bubullima. Në pjesën e dytë të javës mot më i qëndrueshëm, me diell e rritje e temperaturave.
30.05.2021 – Masat më të ftohta ajrore që po shtrihen sot mbi vend, mbesin dominante edhe ditëve të para të javës, edhe në ditën e parë të verës meteorologjike që fillon më 1 qershor. Do të mbajë mot i freskët, me vransira, intervale me diell, dhe të reshura shiu, orëve të pasdites si rrebeshe që shoqërohen edhe me bubullima.
Nga e mërkura reshjet pushojnë, e gradualisht deri të premten do të ketë më shumë intervale me diell, e temperaturat rriten afër vlerave mesatare. Sipas parashikimeve të fundit në fundjavë pritet të mbajë mot më i ngrohtë e më shumë diell.
Cilësia e ajrit edhe në këto ditë do të jetë përreth vlerave të mira dhe të pranueshme.
Indeksi i rrezeve UV do të jetë në vlera mesatare deri nga mesi i javës, e më pas rritet në vlera të larta.
31.05 – Freskët, me vransira dhe intervale me diell. Pasdite dhe në mbrëmje priten rrebeshe shiu dhe bubullima. Në mbrëmje vende-vende me riga shiu.
1.06 – Mbetet freskët, me vransira dhe intervale me diell. Në mëngjes riga lokale shiu. Pasdite mundësi për rrebeshe shiu e bubullima. Në mbrëmje kthjellime.
2.06 – Pas mëngjesit të freskët, ditën me vransira dhe intervale me diell. Vende-vende mundësi për riga shiu.
3.06 – Pjesërisht vranët e më ngrohtë.
4.06 – Kryesisht me diell e ngrohtë.
