Ministri i Financave, Hekuran Murati, ka treguar disa veprime që kanë ndërmarrë në kuadër të një fushate
“Janë ndërmarrë disa veprime që janë në kuadër të një fushate për rikthimin e rregullsisë dhe eliminimin e metodave apo veprimeve që dëmtojnë buxhetin e shtetit ose konkurrencën e lirë qoftë përmes futjes së parave të pista në treg apo përmes veprimeve të tjera të dyshimta”.
“Në kuadër të kësaj fushate mund të cekim raportimet që janë bërë javën e fundit. Kishim rastin ku u arrestuan 10 zyrtarë doganorë në kuadër të dy operacioneve – njëri ishte për kontrabandimin e duhanit dhe tjetri për kontrabandimin e barnave. Ajo ishte rezultat i punës që ka bërë trupa hetimore brenda Doganës së Kosovës. Po ashtu me fillimin e mandatit kemi marrë edhe operacione të tjera për të identifikuar kontrata që janë pa mbulesë. Kemi kërkuar nga të gjitha organizatat buxhetore të na njoftojnë për kontratat që janë pa mbulesë apo alokim buxhetor që të kemi inventarizim dhe të shohim se cilat organizata buxhetore e kanë tejkaluar hapësirën fiskale dhe kanë nënshkruar kontrata të tilla që krijojnë obligime pa mbulesë për buxhetin e vendit”.
