Në një takim në Golem, ku po kryhet vaksinimi i disa punonnjësve të sektorit të hoteleri-turizmit, ministrja e Shëndetësisë dhe Mbrojtjes Sociale, Ogerta Manastirliu, si edhe ministri i Turizmit, Blendi Klosi, njoftuan disa nga planet e ardhshme për sezonin turistik të verës.
Manastirliu u shpreh se ka nisur dezinekfimi në zonat e plazheve, së shpejti do të hapen qendrat shëndetësore verore dhe do të vijojë vaksinimi i punonjësve të këtij sektori.
“Është shumë i rëndësishëm vaksinimi i popullatës që i shërben në radhë të parë mbrojtjes së shëndetit duke ndërprerë zinxhirin e infeksioneve, duke garantuar edhe një sezon turistik më të lehtësuar, por duke mbetur theksi te zbatimi i protokolleve shëndetësore që padyshim do të zbatohen edhe këtë vit. Do të vijojmë që në kuadër të sezonit turistik të mbyllim vaksinimet e punonjësve të sektorit të turizmit brenda muajit maj, që të kemi një lehtësi në funksion të shërbimeve të këtyre strukturave.” – u shpreh ministrja.
