Shkrimtarja e “Harry Potter” boton romanin e parë për fëmijë

0
77
J.K. Rowling attends the Broadway Opening Day performance of 'Harry Potter and the Cursed Child Parts One and Two' at The Lyric Theatre on April 22, 2018 in New York City.

Pas sagës së famshme “Harry Potter”, J.K. Rowling vjen me romanin e parë për fëmijë, që titullohet “Derrkuci i Krishtlindjes” dhe do të dalë në mbarë botën më 12 tetor 2021.

Romani do të jetë i disponueshëm në shtyp dhe ebook.

Në të paraqitet historia prekëse dhe drithëruese e dashurisë së një fëmije për lodrën e tij të preferuar dhe për çfarë ai është gati të bëjë për ta gjetur atë.

Një histori origjinale, e palidhur me veprat e tjera të J. K. Rowling, për fëmijë të moshës tetë vjeç e lart dhe një përrallë magjepsëse për të gjithë familjen.

Përpara “Derrkucit të Krishtlindjes”, Rowling iu kthye botimeve për fëmijë me përrallën zanore “The Ickabog”, i transmetuar në internet gjatë bllokimit 2020 për të argëtuar të vegjlit dhe më vonë u botua duke ia dhuruar të gjitha të drejtat e saj organizatës bamirëse “Volant” për të ndihmuar ata që u preken më shumë nga pandemia e COVID-19.

Libri do të jetë në dispozicion me ilustrime nga artisti fitues i çmimeve, Jim Field.

Kopertina do të zbulohet në muajt e ardhshëm./ATSH