Koreja e Veriut konfirmoi se kishte nisur dy raketa të drejtuara taktike të tipit të ri një ditë më parë, njoftoi agjencia shtetërore e lajmeve KCNA.
”Akademia e Shkencave të Mbrojtjes së Koresë së Veriut kreu testet dhe i gjeti ato të jenë shumë të suksesshme”, raportoi KCNA.
”Të dy raketat goditën me sukses objektivat e tyre në ujërat 600 kilometra nga bregu dhe sistemi i ri i armëve mund të mbajë një koke lufte me peshë 2,5 tonë”, sipas raportit.
Pheniani ka lëshuar ato që mendohet të jenë raketat e para balistike që kur Joe Biden mori detyrën, duke bërë që presidenti amerikan të premtojë një përgjigje nëse kombi ”mashtrues bërthamor” vazhdon të përshkallëzojë tensionet.
”Dy raketa me rreze të shkurtër u lëshuan nga qyteti i Koresë së Veriut, Hamju, në orët e para të së enjtes dhe udhëtuan rreth 450 kilometra”, sipas shefave ushtarakë të Koresë së Jugut.
Japonia e dënoi veprimin e Phenianit, ndërkohë që ministri i Jashtëm rus Sergei Lavrov bëri thirrje për negociata të reja mbi procesin e paqes në Gadishullin Korean./ATSH
