Historia e pemës së Krishtlindjeve Çdo gjë tani po shndërrohet në traditë me (pa) vetëdije. Edhe tek ne është bërë zakon që për festat e fundvitit ta vendosim pemën e Krishtlindjeve dhe ta zbukurojmë në mënyrën më të përsosur të mundur.
Ndoshta këtë e keni bërë vetëm pse ka mbetë ashtu, apo vetëm pse duket bukur. Mirëpo, edhe pema e stolisur ka një histori të veçantë. Për disa pema e gjelbër ka qenë tradicionale për t’i festuar festat e fundvitit, siç janë disa festa pagane dhe krishtere.
Paganët e kanë vendosur bredhin për ta dekoruar shtëpinë gjatë solsticit dimëror, pasiqë sipas tyre pema (bredhi), simbolizonte ardhjen e pranverës. Bredhi për romakët ka qenë pjesë e një festivali. Ndërkaq, të krishterët pemën e krishtëlindjeve e përdorin si shenjë e jetesës së përhershme me Perëndinë.
