536 – Nën urdhrat e perandorit Justinian për të rimarrë Italinë, gjenerali bizantin Belisarius hyn në Romë pa hasur kundërshtim; trupat gote ikin nga kryeqyteti. Flavius Belisarius (565) ishte i rëndësishëm në projektin ambicioz të Justinianit për ripushtimin e territorit të Mesdheut që Perandoria Romake e kishte humbur më pak se një shekull më parë. Belisarius, ashtu si Justiniani, rridhte nga familje ilire. 1425 – Papa Martin V themelon Universitetin Katolik në Leuven të Holandës – universiteti katolik më i vjetër në botë, në ekzistencë.
1775 – Lufta Revolucionare Amerikane: Trupat britanike humbin betejën e Urës së Madhe, dhe pas kësaj tërhiqen nga Virginia, që kishte qenë kolonia e pare britanike në Amerikë.
1897 – Aktivistja Marguerite Durand themelon gazetën feministe “La Fronde”, në Paris. Një vit më parë ajo ishte dërguar nga gazeta “Le Figaro”, gazetë kryesore e përditshme, për të shkruar një artikull me humor nga kongresi ndërkombëtar i grave.
1946 – Në Nuremberg, fillon gjykim i mjekëve nazistë nën akuzat se ishin përfshirë në eksperimente me njerëz dhe në vrasje masive nën maskën e eutanazisë.
1950 – Lufta e Ftohtë: Amerikani Harry Gold dënohet me 30 vjet burg për ndihmën në dhënien e informacionit mbi Projektin Manhattan, Bashkimit Sovjetik. Dëshmia e tij çoi në kapjen e Julius dhe Ethel Rosenberg, të cilët u dënuan me vdekje.
1953 – Ethet e kuqe: Firma amerikane General Electric njofton se të gjithë punonjësit komunistë do të pushohen nga puna.
1965 – Incident me disk fluturues në Kecksburg: Dëshmitarët dhe media raportojnë se një rreth i zjarrtë i parë në qiell nga Michigani në Pennsylvani u përplas në pyll pranë qytetit Pittsburgh. Në dhjetor 2005, pak para 40-vjetorit të ngjarjes, NASA shpalli se kishte shqyrtuar fragmentet metalike të këtij disku dhe doli se objekti ishte një satelitit rus që kishte ri-hyrë në atmosferën e tokës, por shtoi se për fat të keq, dokumentet mbështetëse të këtyre përfundimeve kishin humbur.
2008 – Guvernatori i shtetit Illinois, Rod Blagojeviç, arrestohet nga FBI-ja për krime korruptive, përfshi përpjekjen për të shitur vendin e senatit të SHBA-së, që kishte mbetur bosh nga zgjedhja e senatorit Barack Obama në postin e presidentit.
