Mesfushori kroat, Luka Modric e ka fituar “Topin e Artë“ për vitin 2018, duke i dhënë fund dominimit 10-vjeçar të dyshes Lionel Messi – Cristiano Ronaldo.
Modric ka pasur një vit të shkëlqyeshëm me Real Madridin dhe Kombëtaren e Kroacisë. Me gjigantin spanjoll e fitoi Ligën e Kampionëve, ndërsa me Kroacinë arriti deri në finale të Kupës së Botës.
“Jam i lumtur dhe shumë krenar. Nuk mund ta përshkruaj se çfarë ndjej. Së pari dua të falënderoj shokët e ekipit, trajnerët te Real Madrid dhe te Kroacia, të gjithë ata që kanë votuar për mua dhe familjen time që më ndihmuan të jem ky që jam sot”, ka thënë Modric.
