Arsyet e rënies së flokëve, mësoni ilaçin

0
387

Në disa raste, rënia e flokut i atribuohet ndryshimet të stinëve, e në disa të tjera mungesës së vitaminave.

Por, mësoni për arsye të tjera, shumë herë më befasuese të rënies së flokëve.

Medikamentet

Shumë medikamente siç janë holluesit e gjakut, solucionet kundër akneve të pasura me vitaminë A, ilaçet kundër artritit, depresionit, për zemrën dhe tensionin kanë efekte anësore.

Një prej këtyre efekteve është rënia e flokut.

Lindja e një fëmije

Pas lindjes së fëmijës, nëna humbet shumë flokë për shkak të stabilizimit të hormoneve.

Rënia e flokut ndalon 3-6 muaj  pas lindjes.

Mungesa e hekurit

Rënia e niveleve të hekurit ndikon tek shëndeti i flokut.

Nëse në organizëm keni pak hekur atëherë do ju bien flokët, thonjtë do të jenë të brishtë, lëkura e verdhë e rrahjet e zemrës të shpejta.

Stresi

Stresi e plogështon sistemin imunitar.

Shqetësimi dhe ankthi pengojnë rritjen e flokut dhe nxit rënien e tij gjatë krehjes, shkruan AW.

Larja e flokëve

Përdorimi  i tepërt i solucioneve të larjes së flokut, krehja, fërkimi gjatë dhe pas larjes me peshqir nxit rënien e tij.

Tharëset

Tharëset e instrumentë të tjerë për dhënien e formës së flokut, llaku, boja e të tjerë kanë ndikim në shëndetin e flokut.

Domosdoshmërisht, floku do të bëhet i brishtë e do të këputet më lehtë.

Sëmundjet

Besojeni ose jo, rënia e flokëve është një simptomë e përbashkët e 30 sëmundjeje, përfshirë ato që rrezikojnë tiroiden apo imunitetin.

Njeriut i bien flokët edhe kur është me grip, ka temperaturë apo një infeksion.

Duhani

Flokët nuk janë imunë ndaj duhanit.

Toksinat tek tymi i duhanit ka një ndikim të fortë tek floku duke penguar rritjen dhe nxitur rënien e tij.

Çrregullimet në ngrënie

Anoreksia dhe bulimia janë dy nga çrregullimet më të forta të të ngrënit.

Ato manifestohen edhe me rënien e flokut sepse trupi nuk merr ushqyesit e nevojshëm.

Këto çrregullime mendore duhen trajtuar nga një mjek profesionist.

Lexoni më poshtë një kurë me veti të forta me bimën e hithrës, e cila forcon rrënjët e flokëve dhe parandalon rënien e tyre.

Lëngu i Hithrës, si ta përdorni

AgroWeb.org ju udhëzon të zjeni një grusht me hithra të njoma ose të thata në 250 ml ujë për 10 -15 minuta dhe lëreni më pas të ftohet.

Përdoreni pasi të keni larë dhe shpëlarë flokët si zakonisht. Më pas masazhoni flokët me lëngun e hithrës sidomos tek pjesa e rrënjëve të flokëve dhe skalpit të kokës.

Mbajeni për rreth 10 – 15 minuta e më pas shpëlajeni. Përsëriteni këtë kurë të paktën dy herë në javë./OxygenPress.info

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu