Kjo është poezia fituese e çmimit të dytë në konkursin letrar organizuar nga Sektori i të Rinjve, Klubi letrar “De Rada”, për nderë të 28 Nëntorit.
28 Nëntori – Alketa Bekteshi
Shqipni sot po t’qesh ftyra,
Po ni vransin’ e ke n’vetull,
Shqiponjes n’flamur i buzqesh liria,
Trup i coptuem,dhimbje e mbetun,
Popull i shkatrruem por asniherë i dorzuem.
O Shqipni, nanë e plagosun
Ty që t’paren Zoti t’solli në tokë
Kalove shekuj n’ket botë t’pluhnosun
Por ti gjallë edhe ma e fort je bo.
28 Nëntor i shkruem me shkronja gjaku,
Shkruem me shkronja që Zoti dhuratë ia dha tokës,
Çdo shkronjë me aromë trëndafili
Çdo fjalë e larë me pika loti.
Më 28 nëntor në Krujën trime
Gjergj Kastrioti valviti shqiponjën etnike
Po n’këtë datë me plot gëzime
Ismail Qemali hijeshoi Vlorën lirike.
E di unë o Shqipni, kjo vransin’ që ke n’vetull
Shumë shpejt kjo ka me u tretun,
Shumë shpejt plagët do t’shërohen
Kur shqiptarët bashkë në nji shtet t’bashkohen./OxygenPress.info