Wayne Rooney do të kthehet në “Wembley” për të luajtur ndeshjen e fundit me kombëtaren angleze. Golashënuesi më i mirë i “Tre Luanëve” u tërhoq nga kombëtarja në vitin 2017, ndërsa të enjten, në ndeshjen ndaj SHBA-së, do të jetë paraqitja e tij e 120-të dhe e fundit për skuadrën kombëtare.
Ish-sulmuesi i Manchester United thotë se do të jetë krenar të zbresë përsëri në “Wembley”, një stadium ky i veçantë për çdo futbollist.
“Është diçka që po e pres me padurim. Kreva seancën e parë stërvitore të hënën dhe ishte e çuditshme t’u bashkohesha lojtarëve në stërvitje. Kur të zbres në ‘Wembley’ do të jetë një moment i veçantë që do të më bëj shumë krenar”, ka thënë Rooney.
