Një pjesë e shkallëve të Kullës Eifel do të dalë në ankand në muajin nëntor në Paris, në përfundim të një ekspozite publike të prezantuar nga ”ArtCurial” në selinë e saj në rrethrrotullimin e Shamps Elizesë. Kështu ka njoftuar kompania franceze e ankandeve.
Me një lartësi rreth 4,3 metra dhe e përbërë nga rreth 25 shkallë, kjo pjesë është shkëputur nga shkallët origjinale në formë spirale të monumentit, i cili daton nga viti 1889, që lidhte katin e dytë me të tretin. Vlera fillestare e kësaj vepre nëse mund ta cilësojmë të tillë është vlerësuar midis 40 000 deri në 60 000 euro, shkruan ATSH.
Kjo pjesëz e vogël e Zonjës së Hekurt do të vendoset në oborrin e ”Artcurial” të enjten më 8 nëntor, për 20 ditë ekspozitë publike, përpara se të dalë në shitje më datën 27.
