4 vjeçari Farush Gashi po përballet me probleme shëndetësore. Ai vuan nga sëmundja e veshkëve, e mjekimi i tij po kërkohet të bëhet në Shqipëri.
Bashkim Berisha, themelues i Organizatës Joqeveritare “Buzëqeshe një jetim”, ka treguar për OxygenPress se sa të holla duhet grumbulluar për Farushin e vogël, në mënyrë që ai të shërohet.
“Farushi është i sëmur nga veshka, do të thotë i rritet brenda, ai tash ka ardh në këtë gjendje, por veshka atij vazhdoj hala me ju rrit. Mjekimi i tij duhet të bëhet në Shqipëri, ku operimi i tij kushton 4200 euro, por ai ka problem edhe me gjak, gjithsej operimi do të kushtoj rreth 6500 deri në 7000 euro”, tha Berisha për OxygenPress.
