Von Der Leyen pranon gabimet e BE në strategjinë e vaksinimit

0
43

Presidentja e Komisionit Europian, Ursula von der Leyen ka pranuar gabimet në strategjinë e vaksinave të Bashkimit Europian, por gjithashtu mbrojti parimet e tij thelbësore.

“Ne ishim tepër vonë në miratimet për vaksinat”, i tha zyrtarja e lartë e BE-së Parlamentit Europian.

“Dhe mbase ne ishim shumë të sigurt se ajo që porositëm në të vërtetë do të mbërrinte në kohë”, theksoi ajo.

“Ne e nënvlerësuam vështirësinë në lidhje me prodhimin masiv. Në një farë mënyre, shkenca e tejkaloi industrinë”, shtoi Von der Leyen.

Sidoqoftë, Von der Leyen mbrojti zgjedhjen për miratimin e kushtëzuar të tregut sesa miratimin emergjent për vaksinat në bllok.

“Nuk mund të ketë kompromis kur bëhet fjalë për të injektuar një substancë biologjikisht aktive në një person të shëndetshëm”, tha ajo./ATSH