Deri tani, me siguri keni njohuri për të gjitha simptomat e COVID-19 — kollë e thatë, ethe ose të dridhura, lodhje, ndonjëherë diarre dhe të vjella. Por pasojat e COVID-19, efekte të vazhdueshme që virusi ka në trup edhe pas infeksionit flitet më rrallë, pjesërisht sepse shkencëtarët nuk i kuptojnë plotësisht efektet afatgjata të sëmundjes së re akoma.
Tani, në dy studime të reja, të botuara të hënën në JAMA Cardiology, studiuesit paralajmërojnë disa efekte të qëndrueshme që COVID-19 mund të kenë në trup – konkretisht në sistemin kardiovaskular raporton Health, transmeton OxygenPress.
Studimi i parë, i kryer nga studiues gjermanë, zbuloi se SARS-CoV-2, virusi që shkakton COVID-19, mund të bëjë rrugën e tij drejt indeve të muskujve kardiak në zemër. Studiuesit vlerësuan indin kardiak të 39 personave në Gjermani të cilët kishin vdekur së fundmi nga COVID-19 dhe u diagnostikuan me virusin postmortem. Mosha e pacientëve në kohën e vdekjes varionte nga 78 në 89 vjeç. Virusi ishte i pranishëm në zemrat e 24 prej 39 pacientëve. Studimi thotë qartë se, ndërsa virusi ishte zbuluar brenda indit kardiak të pacientëve të vlerësuar, ai nuk shoqërohej domosdoshmërisht me inflamacion në përputhje me miokarditin.
