Vaksina e coronavirusit e Universitetit të Oxfordit shkakton një përgjigje ‘të fuqishme’ nga sistemi imunitar dhe duket se funksionon tek njerëzit e moshuar.
Sipas mediave të huaja kanë qenë shkencëtarët pas projektit që kanë publikuar rezultatet e një testi të hershëm të vaksinës, nga e cila u zbulua se u krijuan shenja të forta të imunitetit në 99 për qind të njerëzve.
Siç thuhet më tej, studimi i fazës së dytë përfshiu 560 njerëz, shumica e të cilëve ishin të bardhë dhe britanikë dhe tregoi se njerëzit në të gjitha grupmoshat dukej se reagonin po aq mirë ndaj vaksinës.
Kjo shënon një tjetër përparim në garën për të zhvilluar një vaksinë për të parandaluar COVID-19, pasi vaksinat e bëra nga Moderna dhe Pfizer dhe BioNTech u zbuluan që të dyja ishin rreth 95 për qind të efektshme gjatë javës së kaluar.
Sipas mediave britanike, rezultatet e Oxfordit janë nga një fazë e hershme e testimit, kështu që nuk mund të vlerësohet se sa mirë mbron vaksina kundër COVID-19, por janë ende një hap pozitiv.
Studimi tregoi se njerëzit në të gjitha grupmoshat zhvilluan antitrupa – substanca shkatërruese të virusit të bëra nga sistemi imunitar – brenda 28 ditëve nga doza e tyre e parë e vaksinës, dhe këto u rritën më tej pas dozës së dytë.
Ai tregoi se vaksina shkaktoi më shumë efekte anësore sesa një “vaksinë false”, por që këto ishin ‘të lehta’ dhe më të zakonshme tek të rinjtë sesa pjesëmarrësit e moshuar.
Brenda javës së parë pas injeksionit, më shumë se tetë në 10 nën 55 vjeç thanë se krahu i tyre kishte dhimbje dhe se ata më vonë përjetuan lodhje, dhimbje muskujsh ose dhimbje koke.
Ndryshe, Britania ka porositur paraprakisht 100 milionë doza të vaksinës së Oksfordit, e cila po bëhet me firmën farmaceutike AstraZeneca, kështu që nëse funksionon dhe mund të prodhohet mjaft shpejt, mund të përdoret për të mbrojtur shumicën e popullsisë së Mbretërisë së Bashkuar.
Të dhënat që tregojnë se sa mirë mbron vaksina kundër coronavirusit pritet në javët e ardhshme, tha ekipi.
Gjithsesi, shkencëtarët sot e përshkruan lajmin si ‘premtues’ dhe ‘pozitiv’.
Oxford publikoi rezultatet nga testet e vaksinës së saj, të quajtur ChAdOx1 nCov-2019, në revistën mjekësore në Mbretërinë e Bashkuar “The Lancet”. /Telegrafi/
