Presidenti i vendit, Hashim Thaçi ka vendosur të mbajë një konferencë për media për të raportuar rreth vizitës së tij në Uashington.
Pasi ka marrë përgjigjen nga kryetarja e Kuvendit të Kosovës, Vjosa Osmani se kërkesa e tij për seanca do të shqyrtohet pas 9 marsit, Thaçi ka vendosur të mbajë sot një konferencë për media.
Presidenti ka thënë se askush nuk është pronar i Kuvendit dhe kërkesa e tij për seancë është bërë në mënyrë që të raportojë për vizitën e tij në Uashington.
Kryetarja e Kuvendit, Vjosa Osmani në shkresë zyrtare dërguar Thaçit theksoi se kërkesa duhet të dorëzohet disa ditë më herët në mënyrë që Kuvendi të ketë kohë për të organizuar seancën.
Osmani në letrën e saj drejtuar Thaçit thotë se kërkesa e presidentit për adresim para deputetëve do të trajtohet që në mbledhjen e parë të Kryesisë pas 9 marsit.
“Për më tepër ju njoftoj se Kuvendi i Kosovës si shumica e deputetëve do të jenë të angazhuar në aktivitetet e organizuara për nder të Epopesë së Ushtrisë Çlirimtare të Kosovës”, thuhet në letër.
