Java e parë e dhjetorit po parashihet të jetë më dinamike, me depërtime ciklonike nga rajoni.
Afrimi i një cikloni nga Mesdheu përgjatë jugut të rajonit, si dhe depërtimi i një turbullire me masa të ftohta polare mbi vendin tonë, pritet të sjell sonte kushte për reshje të dobëta shiu që më vonë mund të përzien edhe me fjolla bore. Temperaturat e ajrit do të pësojnë një rënie të ndjeshme nën vlera mesatare, e pikërisht më 1 dhjetor kur edhe fillon stina e dimrit meteorologjik, do të kemi temperatura dimërore, me temperaturë maksimale që do të zbres fare pranë 0C.
Nga mesi i javës një tjetër ciklon nga Atlantiku verior do të depërtojë mbi Itali, e më pas nga veriu i rajonit, e që parashihet të sjellë kushte për reshje shiu ditën e enjte dhe të premte. Ndërkohë rryma më të ngrohta ajrore nga Mesdheu sjellin rritje të temperaturës së ajrit pak mbi vlera mesatare. Vetëm në vise të larta malore parashihen kushte për reshje bore.
Moti më dinamik mund të favorizoj përmirësim të cilësisë së ajrit, ku gjatë ditës së nesërme indeksi i cilësisë së ajrit do të zbres edhe në vlera të mjaftueshme dhe të mira. E nga dita e martë kohëpaskohe sërish do të kaloj në vlera të dobëta dhe shumë të dobëta, kryesisht orëve të mbrëmjes, por se nga dita e mërkurë ditën mund të zbres edhe në vlera mesatare dhe të mjaftueshme.
30.11 – Mot i ftohtë. Paradite kryesisht me vransira, ditën priten edhe intervale me diell.
1.12 – Ftohtë dhe me ngrica në mëngjes. Kryesisht me diell.
2.12 – Vransira dhe intervale me diell. Në mëngjes ftohtë dhe me ngrica.
3.12 – Kryesisht vranët. Vende-vende me reshje të dobëta shiu.
4.12 – Herët në mëngjes vranët dhe me shi. Ditën vransirat do të shpërndahen, do të ketë edhe intervale me diell.
Temperaturat minimale në fillim të javës zbresin deri në -6C, e më pas në rritje graduale deri në +3C. Edhe temperaturat maksimale pësojnë zbritje, të martën deri në +1C, e deri të premten në rritje në 9C.
Do të fryj erë mesatarisht e fuqishme nga verilindja 6-12m/s, e në pjesën e dytë të javës nga juglindja 6-14m/s.
Shtypja atmosferike në rrijte mbi vlera normale, deri në fundjavë me tendencë të rënies.
