Ngjarjet kulturore ferizajase e kanë mbyllur vitin 2019 me shumë suksese.
E fundit ngjarje, që u organizua e që mblodhi qindra ferizajas, duke bërë sallën e Teatrit “Adriana” të vogël karshi interesimit, ishte shfaqja e katër filmave të regjisorit ferizajas, Besim Ugzmajli.
“Era”, “The Eaters”, “Rruga” dhe “Forgive me” janë filmat që rrëmbyen qindra çmime në konkurrencë të festivaleve ndërkombëtare, që ravijëzuan mbrëmë ekranin e madh në Teatrin “Adriana”. Është autori i tyre, regjisori Ugzmajli që shfaqjen e punës së tij shumëvjeçare filmike, fondet e grumbulluara nga biletat e shitura, ka vendosur t’i dedikoj për Qendrën e Kujdesit Ditor “Pema” në Ferizaj.
