Pas një studimi gjithëpërfshirës, studiuesit kanë zbuluar se nivelet e larta të aktivitetit nervor shkaktojnë jetëgjatësi më të shkurtër, me prova të nxjerra nga studimet mbi krimbat e rrumbullakët, minjtë dhe njerëzit.
Një proteinë e koduar me termin ‘REST’ duket se është shkaku kryesorë; REST rregullon shprehjen e disa gjeneve, shumë prej të cilave ndikojnë në aktivitetin nervor.
Gjetjet ofrojnë caqe të reja për studime të mëtejshme mbi jetëgjatësinë dhe madje mund të çojnë në zhvillimin e një ilaçi për jetëgjatësi.
Nëse ka një gjë për të cilën njerëzit nuk mund të ndalojnë së menduari, është vdekja. Por hulumtimi i ri i botuar në revistën Nature sugjeron se pikërisht mendimi i tepërt për vdekjen, mund të jetë shkaku kryesorë që sjell apo përshpejton vdekjen.
Më saktësisht, studiuesit zbuluan se aktiviteti më i lartë nervor ka një efekt negativ në jetëgjatësi. Aktiviteti nervor i referohet rrjedhës së vazhdueshme të energjisë elektrike dhe sinjaleve në të gjithë trurin, dhe aktiviteti i tepërt mund të shprehet në shumë mënyra; një ndryshim i papritur i humorit, një çoroditje e fytyrës, etj.
“Një fushë e ardhshme emocionuese e hulumtimit do të jetë përcaktimi se si këto gjetje lidhen me funksione të tilla të niveleve më të larta të trurit të njeriut”, tha profesori i gjenetikës dhe bashkëautori i studimit Bruce Yankner. Ndërsa ndoshta nuk është rasti që të mendosh që një mendim të zvogëlon jetëgjatësinë në të njëjtën mënyrë si pirja e një cigareje, studimi nuk përcaktoi nëse të menduarit aktual kishte një ndikim në jetëgjatësi – vetëm aktivitetin nervor në përgjithësi.
Roli i REST
Të thuash që ky ishte një konstatim i papritur është një nënkuptim. Ne presim që plakja të ndikojë në tru, natyrisht, por jo se truri ndikon në plakje. Këto rezultate ishin aq antintuitive sa studimi zgjati dy vjet shtesë para se të publikohej pasi studiuesit mblodhën më shumë të dhëna për të bindur recensentët e tyre. Yankner po duronte për vonesën. “Nëse keni një mace në oborrin e shtëpisë tuaj, njerëzit ju besojnë”, tha ai. “Nëse thoni që keni një zebër, ata duan më shumë prova.”
Yankner dhe kolegët studiuan sistemin nervor të një sërë kafshësh, duke përfshirë njerëzit, minjtë dhe “Caenorhabditis elegans”, ose krimbin e rrumbullakët. Ajo që ata gjetën ishte se një proteinë e quajtur REST ishte fajtori i aktivitetit të lartë nervor dhe plakjes më të shpejtë.
Së pari, ata studiuan mostrat e trurit të dhuruara nga individë të vdekur të moshës midis 60 dhe 100. Ata që kishin jetuar më gjatë – konkretisht individë që ishin 85 e lart – kishin një profil unik të shprehjes së gjenit në qelizat e tyre të trurit. Gjenet që lidhen me ngacmimin nervor dukeshin se nuk ishin të shprehura në këta individë. Kishte gjithashtu edhe më shumë proteina REST në këto qeliza, të cilat kishin kuptim: detyra e REST është të rregullojë shprehjen e gjeneve të ndryshme, dhe gjithashtu është treguar se mbron trurin e plakjes nga sëmundje si demenca.
Por për të treguar se kjo nuk ishte thjesht një rastësi, Yankner dhe kolegët e përforcuan gjenin REST tek krimbat e rrumbullakët dhe minjtë. Me më shumë REST erdhën sisteme nervore më të qeta dhe me sistemet më të qeta nervore erdhën jetëgjatësi më të gjata në të dy modelet e kafshëve.
