Sot parashihet të mbajë mot i ftohtë, me erë dhe me të reshura bore.
Prishtina Weather njofton se reshjet e borës pritet të jenë më intensive në orët e pasdites dhe të mbrëmjes. Reshjet e borës me intensitet më të dobët do të vazhdojnë edhe paraditen e së shtunës, e më pas pritet të pushojnë.
Temperaturat do të luhaten nga -3C deri në 0C. Gjatë ditës era do të fryejë fuqishëm nga verilindja 7-15m/s (25-60km/h). Për shkak të erës temperatura e ndjeshme (windchilli) do të jetë -7C deri -12C. Deri të shtunën erërat pritet të humbasin fuqinë.
