Sot ftohtë, të enjten do të ketë edhe intervale të shkurta me diell

Cikloni me masa më të ftohta ajrore nga Atlantiku, gjatë ditës së djeshme solli vransira dhe të reshura shiu, e në vise malore borë.

Sot mbetet mot i vranët dhe më i ftohtë, kohëpaskohe me reshje të dobëta shiu. Ditën e enjte do të ketë edhe intervale të shkurta me diell orëve të pasdites.
Erërat që filluan të fryejnë orëve të pasdites kanë filluar të shpërndajnë ndotësit, derisa vlerat e cilësisë së ajrit kanë filluar të zbresin në vlera mesatare dhe të mira. Ditën e mërkurë cilësia e ajrit do të mbetet përreth vlerave mesatare, por orëve të mbrëmjes dhe ditën e enjte pritet të kalojnë në vlera të pashëndetshme.

11.12.2019 – Ftohtë, kryesisht vranët. Vende-vende vazhdojnë reshjet e shiu herët në mëngjes, me mundësi të përzierjes edhe me fjolla bore. Pasdite mundësi për riga lokale shiu. Në vise kodrinore-malore borë. Erë e mesatare dhe mesatarisht e fuqishme nga verilindja 4-12m/s. Indeksi UV: 1.
12.12.2019 – Në mëngjes ftohtë, në ultësira mundësi për mjegull/vransira të ulëta. Gjatë ditës më butë dhe kryesisht vranët. Erë e lehtë nga juglindja 1-6m/s. Indeksi UV: 1.