Teatri Kombëtar i Kosovës njofton se sonte prej orës 20:00 mund të shihni shfaqjen “Skënderbeu – Ose Dashuri dhe Liri”.
Një regjisor i kohës së sotme, që është edhe persosonazh i shfaqjes, mundohet ta vë në skenë dramën e anglezit Tomas Winkop, e shkruar tre shekuj më parë.
Koncepti inskenues që krijon Fadil Hysaj në mendjen e tij nga drama e Winkop-it e ballafaqon atë me vështirësi të mëdha gjatë inskenimit. Me kohë ai e kupton se lënda që i ofrohet nga autori dhe ajo që me ngulm mundohet të nxjerrë nga aktorët janë të pamjaftueshme për ta sjellë të gjallë në skenë vizionin e tij për Skënderbeun.
“Shfaqja e tij mbetet nje fantazmagori mitike e historike të cilën e përmbysë realiteti që aktualisht e jetojmë si popull e që në shumë aspekte i ngjanë një shfaqjeje teatrore në proces. Skënderbeu vjen në skenë si një frymëzim në delirin krijues të regjisorit por në pamundësi për të gjetë aktorin e përmasave të Tij kthehet sërish në përmasën e Tij mitike. Por para se të kthehet nga ka ardhë Ai i lë një mesazh dy fjalësh publikut dhe me shpatën e tij lëshon perden….”, thuhet në njoftimin e TKK-së.