Për nder të 11 vjetorit të Pavarësisë së Kosovës, duke filluar nga ora 08:00 e mëngjesit, është shënuar kjo ditë.
Në mëngjes është mbledhur Qeveria, ku ka mbajtur mbledhje festive për nder të 11 vjetorit të Pavarësisë.
Pas gjysmë orë, është bërë ngritja solemne e Flamurit, ku ka marrë pjesë Presidenti Thaci, kryeparlamentari Kadri Veseli dhe kryeministri Ramush Haradinaj.
Më pas tre liderët politik kanë vendosur kurora lulesh në Kompleksin Memorial ‘Adem Jashari’ në Prekaz.
Në orën 10:45, Kuvendi ka mbajtur seancë solemne për nder të kësaj dite të vecantë, ndërsa në ora 12:20, Trupat e FSK-së kanë parakaluar prej sheshit “Nënë Tereza” deri të sheshi “Ibrahim Rugova”.
Për të festuar këtë ditë, edhe një delegacion i huaj do të jetë në Kosovë.
Kështu, Kryeministri Haradinaj do të pres në ora 15:00 një delegacion 17-anëtarësh nga Shtetet e Bashkuara të Amerikës, të kryesuar nga Senatori James Inhofe.
Ndërsa, në mbrëmje, përkatësisht ora 18:30 do të bëhet ndezja e organizuar e fishekzjarrëve në sheshin “Zahir Pajaziti”.
