Prefekti i Kukësit, Zenel Kuçana tha sot për ATSH se këtë fundjavë numri i shqiptarëve nga Kosova që shkojnë drejt bregdetit shqiptar është rritur me disa herë në krahasim me fundjavën që shkoi.
Ai tha se që në orët e para të mëngjesit ka pasur një “lum” makinash dhe turistësh që shkojnë drejt detit.
“Deri në 24:00 të ditës që lamë pas kanë hyrë 7032 shtetas dhe 1622 automjete. Numri vazhdon të rritet nga ora në orë”, tha ai.
