SHBA apeloi vendimin e një gjykate britanike për mosekstradimin e themeluesit të WikiLeaks, Julian Assange.
Avokati amerikan, Clair Dobbin konfirmoi gjatë një seance në Gjykatën e Westminsterit se ekipi i tij ka apeluar, që do të thotë se çështja e saj e ekstradimit tani do të shqyrtohet në Gjykatën e Lartë Britanike.
Dobbin gjithashtu tha se Assange nuk duhet të dënohet me kusht sepse “ai e ka treguar veten të aftë të bëjë gjithçka për të shmangur ekstradimin”.
Ai iu referua shtatë viteve që kaloi brenda ambasadës Ekuadoriane në Londër, ku kërkoi azil për të shmangur një ekstradim të mundshëm në Suedi për t’u përballur me një hetim për agresion seksual, i cili më pas u braktis.
Një gjykatëse britanike vendosi dje që themeluesi i WikiLeaks, Julian Assange nuk duhet të ekstradohet drejt SHBA për t’u përballur me akuzat për spiunazh.
Gjykatësja Vanessa Baraitser dha vendimin në gjykatën ”Old Bailey” të Londrës duke deklaruar se ajo ishte e shqetësuar për shëndetin e 49-vjeçarit, ndërsa ai është i burgosur në një burg në Londrën Juglindore, HMP Belmarsh.
