Ylli kolumbian i muzikës, Shakira është thirrur nga një gjyqtar i një gjykate në periferi të Barcelonës të dëshmojë për një çështje të dyshuar për evazion fiskal për një shumë rreth 14,5 milionë euro, bëhet sot e ditur nga gjykata spanjolle.
”Gjykata e Esplugues de Llobregat e cilësoi të pranueshëm hetimin e prokurorisë ndaj këngëtares”, thuhet në një komunikatë të Gjykatës së Lartë të Katalonjës, rajon në veri-lindje të Spanjës ku këngëtarja jeton së bashku me bashkëshortin, mbrojtësin e FC Barcelone Gerard Piqué.
Prokuroria akuzon Shakiran për mospagim të taksave në Spanjë mes periudhës 2011 dhe 2014, periudhë në të cilën ajo jetonte aty, sipas organit ligjzbatues.
