Ekzistojnë mendime të ndryshme lidhur me sasinë e ujit që duhet ta konsumojmë në bazë ditore. Nutricionistët dhe punonjësit e sektorit të shëndetësisë zakonisht rekomandojnë të konsumohen tetë gota ujë në ditë, sasi kjo e barabartë me dy litra ujë. Megjithatë, ka guru të caktuar shëndetësor që vlerësojnë se pothuajse gjithmonë jemi në prag të dehidrimit dhe për këtë arsye duhet të konsumojmë ujë gjatë gjithë ditës, bile edhe në rastet kur nuk jemi të etur. Si çdo gjë tjetër edhe sasia e ujit varet plotësisht nga individi dhe ka një sërë faktorësh të ndryshëm të brendshëm dhe të jashtëm që ndikojnë mbi nevojën tonë për të konsumuar ujë.
Konsumimi i sasive më të mëdha të lëngjeve a mund të ngrejë nivelin e energjisë dhe të përmirësojë funksionimin e trurit?
Shumë individë vlerësojnë se nëse nuk do të mbetemi të hidratuar gjatë gjithë ditës, mund të fillojnë të vuajnë niveli i energjisë dhe funksioni i trurit. Një hulumtim i realizuar me femrat ka vërtetuar se humbja e 1.36 % të lëngjeve të trupit pas ushtrimeve fizike rezulton me prishjen e disponimit dhe shkakton një frekuencë më të madhe me kokëdhimbje.
