Kolona të gjata janë shkaktuar në pikëkalimet kufitare të Kosovës me Serbinë. Kjo supozohet të ketë ndodhur si pasojë e fluksit të mërgimtarëve të cilët po vijnë në Kosovë.
Sipas njoftimit nga Qendra Kombëtare për Menaxhim Kufitar, kolonat më të gjata janë shkaktuar në pikë kalimin kufitar në Merdare, deri në 500 metra në hyrje ndërsa në dalje deri në 300 metra.
Po ashtu, siç transmeton rtk, te Dheu i Bardhë kolonat në hyrje janë deri në 150 metra, ndërsa në dalje deri në 250 metra. Kurse në pikë kalimin kufitar në Muçibabë, kolonat në hyrje janë deri në 250 metra kurse në dalje deri në 150 metra.
