Republika Çeke hap një degë ambasade në Jeruzalem

Republika Çeke do të hapë një degë të ambasadës së saj në Tel Aviv në Jeruzalem, deklaroi ministri i Jashtëm çek, Tomas Petricek pas një telefonate me homologun e tij izraelit, Gabi Ashkenazi.

”Dega e re do të krijohet në gjysmën e parë të vitit të ardhshëm dhe do të drejtohet nga një diplomat”, sipas një deklarate të lëshuar nga Ministria e Jashtme çeke në Pragë.

Republika Çeke aktualisht ka një ambasadë në Tel Aviv dhe tre konsullata nderi në Jeruzalem, Eilat dhe Haifa.

Dy vjet më parë u hap në Jeruzalem ”Czech House”, një institut kombëtar kulturor çek.

Presidenti çek Milos Zeman ka mbështetur prej kohësh një fushatë për një zhvendosje të plotë të misionit të vendit të tij në Jeruzalem./ATSH