Renditje befasuese nga CIES, Messi i gjashti, Ronaldo edhe më keq

Lionel Messi dhe Cristiano Ronaldo shihen si dy futbollistët më të mirë në botë. Mirëpo, kështu nuk mendon edhe CIES Football Observatory, që ka zbuluar se futbollisti më i vlerësuar në botë është sulmuesi francez Kylian Mbappe.

Vlera e 20 vjeçarit Mbappe është parashikuar hiç më pak se 216.5 milionë euro.

Sulmuesi francez është pozicionuar edhe përpara bashkëlojtarit të tij, Neymar, i cili gjendet i treti, me një vlerë prej 197 milionë euro. Në vendin e dytë është Harry Kane, i cili vlerësohet 197.3 milionë euro.

Nuk gjendet në “top-10” emri i sulmuesit portugez, Cristiano Ronaldo, ndërsa Leo Messi është çuditërisht i gjashti, me një vlerë prej 170.6 milionë euro.

Para tij pozicionohet Salah dhe shoku i skuadrës te Liverpool, Coutinho. Në “top-10” e sulmuesve është gjithashtu Paulo Dybala, lojtari më i vlefshëm i Seria A, i vlerësuar me 155.6 milionë euro. Ndër portierët më të vlefshëm është Ederson i Manchester City, përpara Ter Stegen dhe Alisson. Gianluigi Donnarumma vjen pas tyre, me vlerën e 60.7 milionë eurove./OxygenPress.info