Kosova e ka arritur suksesin më të madh në historinë e saj të futbollit. “Dardanët” janë renditur në pozitën e parë të Grupit 3 të Ligës D në Ligën e Kombeve dhe në gjysmëfinale të play-offit do të luajnë kundër Maqedonisë.
Një ditë pas këtij suksesi, Qeveria e Kosovës i ka ndarë 500 mijë euro për Përfaqësuesen e Kosovës në futboll.
“Duke marrë parasysh kualifikimin e kombëtares deri në këtë fazë dhe bilancin e jashtëzakonshëm, propozojmë që 500 mijë euro t’i ndahen kombëtares sonë në mënyrë që gjatë fazës përgatitore ata të kenë të gjitha kushtet e nevojshme”, tha Ministri i Sportit, Kujtim Gashi gjatë mbledhjes së sotme të Qeverisë.
