Në Bibliotekën Kombëtare u përurua libri i shkrimtarit dhe veprimtarit Avni Dehari. Me titull “ Ali Aliu Kelmendi – Ringjallja e Prometeut”.
Libri me titull “ Ali Aliu Kelmendi – Ringjallja e Prometeut”, përshkruan jetën dhe veprën e protagonistit, Ali Aliu Kelmendi, njofton OxygenPress.
Autori i këtij libri Avni Dehari tha se ndihet tejet i lumtur që iu dha rasti të nxjerrë nga një fletore kujtimesh, në një vepër letrare jetën e Ali Aliut.
“Aliu Aliu qysh në shkollën e mesme në gjimnazin “Sami Frashëri”, ai u angazhua kundër antifashizmit nacional çlirimtar për ta luftuar antifashizmin, dhe çliruar tokat e robërua dhe ta bashkonin Shqipërinë nënë. Veprimtaria e tij nuk njihet vetëm në Kosovë por edhe më gjerë. Ali Aliu ka mbajtur burgje dhe është torturuar pasi që ai ishte një shtyllë e fortë e cila kishte synim vetëm bashkimin kombëtar”, ka thënë autori i këtij libri, Avni Dehari.
Të pranishëm në këtë përurim ishin edhe përfaqësues e aktivistë të Lëvizjes Vetëvendosje.
