Këshilli i Prindërve të fëmijëve në tetë institucionet parashkollore në Prishtinë ka marrë vendim që të mos bëj pagesën për çerdhe për muajin shkurt.
Të revoltuar me vendimin e Komunës së Prishtinës se pagesa duhet të bëhet, prindërit në një letër që i kanë dërguar drejtorit të arsimit, Jonuz Salihaj thonë se gjatë 3 javëve që zgjati greva ata u detyruan të paguajnë kopshte private ose alternativa tjera.
Prindërit thonë se në kohën e pushimeve verore, që është 1 muaj nuk paguajnë çerdhen dhe njëjtë do të duhej vepruar për muajin e humbur, përcjell buletiniekonomik.
