Ka pasur shumë kërkesa për largimin e Christian Panuccit nga detyra e përgjedhësit të Shqipërisë, por duket se tekniku Italian do të jetë ai që do ta marrë hapin i pari.
Jemi në prag të afatit kalimtar dhe të gjitha klubet janë sy e veshë nga përforcimet. Kjo vlen jo vetëm për lojtarët, që ndryshojnë “ajrin”, por në ndonjë rast edhe për trajnerët. Dhe në rastin e Romës, ku Eusebio Di Francesco është në fije të perit, ndryshimet në shtabin teknik duket mëse të mundshme.
Klubi kryeqytetas po “i shoshit” kandidaturat, mes të cilave duket se është edhe ish-futbollisti i saj, aktualisht trajner i Kombëtares së Shqipërisë, Christian Panucci. Media italiane e zbulon këtë pistë, duke nënvizuar se Panucci ka kontratë me Shqipërinë deri në nëntor 2019.
