Në pjesëmarrjen e sotme të Top-Mastersit të xhudos që u mbajt në Guangzhou të Kinës, vajzat nga Kosova rrëmyen një medalje të artë, një të argjendtë.
Distria Krasniqi fitoi medaljen e artë në kategorinë deri në 48 kilogramë, Nora Gjakova (-57 kg) u stolis me të argjendtën, ndërsa Akil Gjakova (-73 kg) zuri vendin e shtatë.
Në “Ëorld Masters” marrin pjesë 16 xhudistët më të mirë të renditjes botërore në kategori.
Distria shënoi katër fitore, kurse në finale mundi medalisten e bronztë Olimpike, Ami Kondo, me Ippon.
Nora në finale u mund nga japonezja Tsukasa Joshida, kurse fitoi tri luftëra tjera. Akili fitoi një luftë dhe më pas u ndalë në çerekfinale dhe repesazh.
Gara ishte e vlefshme edhe për pikë kualifikuese për Lojërat Olimpike Tokyo 2020. Distria fitoi 1800 pikë, Nora 1260, ndërsa Akili 468 pikë.