Ka nisur për të tretën ditë me radhë intervistimi i presidentit Hashim Thaçi nga ana e Prokurorisë Speciale në Hagë.
Para se të hynte në objektin e Prokurorisë Speciale, Thaçi nuk u prononcua për media.
Zyra e Prokurorit të Specializuar ka njoftuar muajin e kaluar se më 24 prill ka paraqitur një aktakuzë për krime lufte dhe krime kundër njerëzimit kundër presidentit Thaçi, kryetarit të Partisë Demokratike të Kosovës, Kadri Veseli, dhe disa të tjerëve, emrat e të cilëve nuk janë bërë publikë.
