Nuk është aspak çudi nëse futbollistët ngasin veturat më të shtrenjta të kohës, por jo të gjithë e ndjekin këtë trend.
N’Golo Kante është lojtari më i paguar i Chelseas pasi me kontratën e re, të firmosur pak ditë më parë fiton rreth 300 mijë euro në javë. Megjithatë, tek kampioni i botës nuk ka ndryshuar asgjë.
Francezi është një lojtar i përulur dhe kjo reflektohet edhe tek makina që ai drejton. Kante ka një makinë modeste Mini Cooper S dhe me të ndihet më rehat. Më herët, në muajin mars, në një intervistë për BBC 27-vjeçari ka treguar arsyet se përse ka zgjedhur këtë makinë.
