Në Islandë burrat nuk do të paguhen më shumë se gratë

Islanda e ka bërë të paligjshme t’i paguajë burrat më shumë se gratë.

Një ligj i ri që zbaton pagën e barabartë midis gjinive hyri në fuqi më 1 janar 2018, sipas Al Jazeera, transmeton OxygenPress.

Sipas legjislacionit, firmat që punësojnë më shumë se 25 persona janë të detyruar të marrin një certifikatë qeveritare që demonstron barazinë e pagës, ose ata do të përballen me gjoba.

Ligji u shpall më 8 mars në Ditën Ndërkombëtare të Gruas 2017, si pjesë e një përpjekjeje nga kombi për të zhdukur hendekun gjinor të pagave deri në vitin 2022.

Dagny Osk Aradottir Pind, nga Shoqata e të Drejtave të Grave të Islandës, tha për Al Jazeera:

“Legjislacioni në thelb është një mekanizëm që kompanitë dhe organizatat vlerësojnë çdo punë që po bëhet, dhe pastaj ata marrin një certifikim pasi ata konfirmojnë procesin nëse ata po paguajnë burra dhe gra në mënyrë të barabartë. Ne kemi pasur legjislacion duke thënë se paga duhet të jetë e barabartë për burrat dhe gratë për dekada me radhë, por ne ende kemi një hendek pagash”.

Vendi nordik, me më shumë se 323,000 njerëz, është renditur më i miri në botë për barazi gjinore nga Forumi Ekonomik Botëror për nëntë vjet me rradhë./OxygenPress.info