Ndizen qirinj në përkujtim të Sebahate Morinës që u vra nga ish bashkëshorti

0
167

Në një manifestim të heshtur sonte po kujtohet Sebahate Morina, 44 vjeçarja, e cila më 14 mars në Prishtinë është vrarë nga Lulzim Sopi, ish-bashkëshorti i saj.

Manifestimi i heshtur përkujtimor po mbahet në sheshin “Skënderbeu” para Qeverisë së Kosovës.

Grupi i aktivisteve që kanë organizuar këtë manifestim kanë deklaruar se organizimi ka për qëllim të kërkojë llogaridhënie nga Policia e Kosovës, Prokurori i Shtetit dhe Qeveria e Kosovës, që njëmend të trajtojnë çështjen e dhunës në familje dhe mungesës së jetës të dinjitetshme të grave në Kosovë, që shumë shpesh po përfundon edhe ne fatalitet,duke u vrarë mizorisht nga burrat e tyre.