Në moshën 85 vjeçare ka ndërruar jetë sot këngëtarja e njohur e operës spanjolle Montserrat Caballe. Funerali i sopranos së famshme do të bëhet të hënën në Barcelonë.
Gjatë jetës ajo u përkushtua në aktivitete të bamirësisë dhe ishte ambasadore e vullnetit të mirë në UNESCO.
Caballe zbuloi talentin e saj qysh në moshën shtatë vjeçare derisa këndoi këngët e Bach.
Ajo ka luajtur 90 role të operës me rreth 4 mijë shfaqje në skenë.
Në vitin 1954 ajo kishte fituar medaljen e artë në shkollë. Studimet për operën i vazhdoi në Miano. Në vitin 1956 u bashkua me Operën e Bazelit. Në po atë vit ajo luajti rolin e saj të parë të rëndësishëm në La Boheme të Puccinit.
Caballe u bë këngëtare kryesore me Opera Bremen. Ajo adhurohej për pastërtinë e zërit të saj, dhe konsiderohej recitaliste për këngët e Spanjës.
Është kjo e famshmja Caballe që të gjithë e kujtojnë për këngën e saj me Freddie Mercury që u bë himn në lojërat olimpike në Barcelonë në vitin 1992.
Dueti i famshëm “Barcelona” ishte hit dhe mbetët ende më e pëlqyera për shumë njerëz.
Ajo u shfaq live me këtë këngë e shoqëruar nga një regjistrim i Mercury-t në të ndjerë në finalen e Ligës së Kampionëve në futboll në vitin 1999 në Camp Nou të Barcelonës.
Sot, kur ajo u nda nga jeta, bota vërshoi me mesazhe përkujtimi për të. Ajo konsiderohet frymëzim për të gjithë.
Caballe do të mbahet mend për teknikën e saj të këngëve dhe interpretimeve në rolet e Rossinit, Bellinit dhe Donizetit.
Ajo kishte edhe një fondacion për fëmijët në nevojë në Barcelonë.
Caballe u martua me tenorin spanjoll Bernabe Marti në vitin 1964, me të cilin kishin dy fëmijë, Bernabe Marti Jr dhe Montserrat Marti, një soprane e suksesshme./Oxygenpress.info