Me datën 12 dhjetor, iniciuar nga Nisma e të Rinjve për të Drejtat e Njeriut – Kosovë (YIHR KS) në Muzeun e Kosovës, duke filluar nga ora 18:00 do të iniciohet lansimi i Muzeut Virtual të Refugjatëve, shkruan OxygenPress.
Përmes një njoftimi YIHR KS njofton se eksodi i refugjatëve gjatë luftës së fundit në Kosovë është pjesë thelbësore e së kaluarës dhe e së tashmes sonë, duke marrë parasysh se rreth 1 milion njerëz janë larguar nga shtëpitë e tyre.
Megjithatë, sipas kësaj nisme ende mungon memorializimi dhe dokumentimi i përvojave të refugjatëve duke i dhënë rëndësi vetëm rrëfimeve të heronjve e martirëve. Rrëfimet e njerëzve vazhdojnë të mbesin të heshtura në mungesë të hapësirës për t’u dëgjuar.
