Një ekip ekspertësh të porositur nga Organizata Botërore e Shëndetësisë (OBSH) për të kërkuar origjinën e koronavirusit pritet të mbërrijë në Kinë, pas një procesi të gjatë dhe të tensionuar aplikimi.
Komisioni Shëndetësor Kinez në Pekin lëshoi një deklaratë me një fjali duke thënë se ”ekspertët do të punojnë me shkencëtarët kinezë për të hetuar nëse virusi mund të gjurmohet në origjinën e tij”.
Kishte diskutime në lidhje me udhëtimin e ekspertëve dhe një javë më parë OBSH njoftoi se Kina kishte bllokuar hyrjen e tyre.
Si kundërpërgjigje, Pekini deklaroi se përgatitjet ende nuk kishin përfunduar.
Pas mbërritjes së tyre, ekspertët do të duhet të kalojnë dy javë në karantinë përpara se puna e tyre në terren të vazhdojë.
Ata do të udhëtojnë gjithashtu në metropolin qendror kinez të WuhanIT, ku virusi Covid-19 u zbulua për herë të parë, më shumë se një vit më parë.
Kërkimi për origjinën e virusit është politikisht i ndjeshëm pasi Kina ka frikë të konsiderohet fajtore e pandemisë.
Për muaj me radhë, autoritetet kineze kanë pyetur nëse virusi ka origjinën në Kinë. Ata tregojnë raporte të pakonfirmuara se mund të ketë pasur infeksione të mundshme në vende të tjera më parë.
Ata gjithashtu thonë se gjurmët e virusit në produktet e ngrira të importuara tregojnë se virusi mund të ketë ardhur nga jashtë./ATSH
