Me kanë grue – nga Vlora Konushevci

Me kanë grue n’ Zvicër do me thanë me pas parkingun veç,

ma të madh se s’je aq e zoja

ose

ma të sigurt se asht afër daljes

varet prej kandvështrimit

 

Me kanë grue n”Suedi do me thanë me kanë ma shumë se njeri

zot i vetës i vendit

karshi

njerëzve tjerë me kanë ti gati se perëndi

varet prej kandvështrimit

 

Me kanë grue n’Kosovë do me thanë

me kanë ma pak se njeri

me shërby

për me shtu farën a për numra

varet prej kandvështrimit

por

me kanë grue shqiptare do me thanë

me t’përcjellë mallkimi

me shërby si thes e nishan

në tanë dynjanë

kandvështrim tjetër s’ka

edhe naj ditë….