Manchester City do të kurorëzohet kampion i Premier Ligës nëse fiton derbin e Manchesterit javën e ardhshme pas përformancës së fundit që ishte e shkëlqyer, duke mundur Evertonin 3-1 në Goodison Park të shtunën që kemi lënë pas.
Ekipi i Pep Guardiolës, të cilët sonte do të kthehen në Merseyisde për tu përballur me Liverpoolin në çerekfinale të Ligës së Kampionëve, mundën Evertonin duke shënuar tre gola që në pjesën e parë.
City ndodhen 16 pikë para vendit të dytë me vetëm shtatë ndeshje të mbetura dhe me një fitore kundër Manchester United-it kanë mundësinë për të fituar titullin për herë të pestë, para se të fokusojnë të gjithë energjinë në Ligën e Kampionëve.
