Notari që garoi në Lojërat Olimpike Rio 2016, Lum Zhaveli, ka përfaqësuar sportistët e Kosovës në Forumin më të madh Ndërkombëtar të Sportistëve, të organizuar nga Komiteti Olimpik Ndërkombëtar.
Në Forumin e 9-të të mbajtur për tri ditë në Lozanë të Zvicrës, u diskutuan çështje të ndryshme për sportistët, derisa u dhanë propozime konkrete për të rritur mbështetjen e sportistëve në të gjitha nivelet.
“Ishte nder për mua që t’i përfaqësojë sportistët e Kosovës në një forum të tillë, ku kishim mundësi të shkëmbenim përvoja të ndryshme”, deklaroi Zhaveli.
