Kancelari britanik i Thesarit, Rishi Sunak prezantoi sot planin e rritur buxhetor për të mbështetur ekonominë e Britanisë së Madhe, gjunjëzuar nga pandemia dhe që do të duhet të bëjë pa fondet europiane pas Brexit.
Rishi Sunak theksoi në fundjavë për Sky News se Britania e Madhe është vënë nën një presion të madh dhe po përballet me një tronditje të madhe ekonomike.
Në një fjalim në Parlament rreth orës 12:30 GMT, Sunak do të njoftojë masat e reja për mbështetjen e punësimit, duke përfshirë një mekanizëm të quajtur “fillimi i ri” i cili siguron 2,9 miliardë sterlina për tre vjet për të ndihmuar më shumë se një milion persona të papunë në kërkim të një pune.
