Futbollistët, e sidomos ata më të famshmit, njihen si njerëz tepër të pasur por jo gjithmonë mbesin të tillë edhe pas përfundimit të karrierës. Diçka e tillë ka ndodhur edhe me ish-futbollistin legjendar, brazilianin Ronaldinho.
Sipas medieve braziliane, pas përfundimit të karrierës së mrekullueshme, në jetën e futbollistit janë paraqitur një numër problemesh financiare, për çka tani është detyruar të udhëtojë nëpër botë me vëllanë dhe agjentin e tij për të përfituar para duke xhiruar reklama.
Tani është paraqitur edhe një problem, pasi që Ronaldinho së bashku më vëllanë kanë shkelur ligjin për shkak të ndërtimit të një objekti në hapësirën e mbrojtur.
